མཛའ་བརྩེ་ཡོད་ན་འཚོ་བ་ཡོད།
འཇིག་རྟེན་མུ་མེད་བྱེ་མའི་ཐང་སྟོང་ནས།།ཚེ་སྲོག་རླུང་གིས་ཁུར་ཡང་སྐྱོ་ཉམས་ཅི།།མཛའ་སེམས་གསེར་གྱི་ཐག་པ་མ་ཆད་ན།།མི་ཡི་འཚོ་གནས་འདི་ལ་སུན་དོན་ཅི།།
འོད་དུ་འཚེར་བའི་སྐད་ཆ།
ཁྱེད་ཀྱིས་ཡང་དག་ཡིན་མིན་འཁྱེར་ཡོང་ནས་སྙན་ངག་ལ་ཐུགས་སུན་མ་བཟོ་ཅིག ཚེ་སྲོག་གི་སྟོབས་ཤུགས་ཆེས་ཆེ་བ་དེར་བསྟོད་བསྔགས་བྱ་རྒྱུ་ནི་ཆེས་རྩ་བའི་ཡང་དག་ཡིན། ཁྱེད་ཀྱིས་དཔྱོད་ཤེས་མིན་པ་དེ་འཁྱེར་ཡོང་ནས་སྙན་ངག་པ་ལ་ལེ་བདའ་མ་བྱེད་ཅིག རང་དབང་ལ་འབོད་སྐུལ་སྒྲོག་རྒྱུ་དེ་ནི་ཆེས་རླབས་ཆེན་གྱི་དཔྱོད་ཤེས་ཡིན
ཟིན་བྲིས་བཟོ་བཀོད་པ་བསོད་ནམས་འོད་ཟེར།
བཀླགས་གྲངས་མང་ཤོས།
-
ཞོགས་རླུང་བསིལ་མོས་ཅུང་ཙམ་སྒུལ་ཚེ་ལྗོན་ཤིང་དགའ་བའི་རྐང་བྲོ་བསྒྱུར།། ཀྱུར་ཀྱུར་བྱེའུ་གསུང་སྐད་སྙན་མོས་དབྱངས་ཀྱི་འཛམ་མདངས་མཁའ་ལ་དྲངས།། ... -
མགོ་ནག་བོད་པའི་སྐྱོ་གདུང་དམར་པོ་གནམ་སའི་བར་ནས་ཁྲག་གིས་ཚོས།། གསར་ཚེས་ལོ་ཡི་ཁུགས་སོ་རེ་ནས་ལུས་སྲོག་སྒྲོན་པའི་མྱ་ངན་ལུད།། སྐྱོ་སྡ...
-
རྡོ་ལ་འཕྲུ་དཀར་རྙེད་པ། དེ་རིང་ང་གངས་ར་ན་ཡོད། གྲོང་དང་གྲོང་ཚོ་བསྲེས་པའི་གངས་ར་ན་ཡོད། སྐྱེས་དངོས་ཀྱིས་གྲོང་བརྡལ་འདེགས་...
-
བྱ་གཞུང་དབྱངས་བྷ། ཉེ་སྔོན་རྒྱ་ཡིག་གི༼ཀློག་པ་པོ༽ཞིག(༠༩ལོའི་དེབ་བཅུ་པ)ལས་ཁ་བྱང་ལ༼ཕ་གིའི་འཇིག་རྟེན་དབེན་ཐང་ཐང༽ཞེས་པའི་རྩོམ་ཐུང་ཞིག་མཐོང་བ... -
མི་ཚེའི་དྲན་ཤིང་རིང་མོའི་ཐག་སྣེ་ལ་མདུད་ཅིང་།། ཀུན་ཤེས་གཟུང་འཛིན་ཡིད་ཀྱི་གཏིང་རིམ་ནས་བསླངས་བ།། ནམ་ཡང་བརྗེད་དུ་དཀའ་བ་ཆུང་འདྲིས་ཀྱི་མེ་ཏོག།...
-
༼ཐེ་ཀོར་གྱི་སྙན་ངག << འཇིག་རྟེན་ སྟེང་གི་ཆེས་རིང་བའི་བར་ཐག >> ཅེས ་པ། བོད་བསྒྱུར་བྱེད་མཁན་ འབའ་སྨད་རྒྱ་ལོ་ཚེ་རིང་ ། ~~... -
ཕ་ཡུལ། གཟུངས་ཕྱུག་སྐྱིད། རྒྱ་གར། རླུང་གི་གཤོག་འགྲོས་ལས་ས་ཆེན་གྱི་འཁུན་སྒྲ་ཐོས་ཤིང རི་བོའི་འགུལ་བསྐྱོད་ལས་གནམ་མཁའི་རྒྱ་ཁྱོན་མཐོང...
-
--> བྱ་གཞུང་དབྱངས་བྷ། རི་བོའི་དཔུང་གདང་ཤིག་ཤིག་གི་ཕ་གཞིས ཆུ་མོའི་ལག་གདང་ཤིག་ཤིག་གི་མ་གཞིས རི་ཚོགས་ཀྱི་ཕྱི་ཤུན་འདོར་དུས... -
དོན་ངོ་མར་སུ་ཡིན་ནམ བཀག་སྡོམ་དང་མུན་ནག་གི་གྲོང་ཚོ བསྐྱར་ཟློས་དང་ཤ་འཁོན་གྱི་འཇིག་རྟེན མི་ཡུལ་འདིའི་འཚོ་སྡོད་ཐེངས་ཤིག་གི་རྗེས...
-
རླུང་གི་གཤོག་འགྲོས་ལས་ས་ཆེན་གྱི་འཁུན་སྒྲ་ཐོས་ཤིང་ རི་བོའི་འགུལ་བསྐྱོད་ལས་གནམ་མཁའི་རྒྱ་ཁྱོན་མཐོང་དུས བདག་གིས་ཁྱེད་ཁོ་ནའི་མཛེས་སྡུ...
Wednesday, 2 May 2012
ཞོགས་རླུང་བསིལ་མོས་ཅུང་ཙམ་སྒུལ་ཚེ་ལྗོན་ཤིང་དགའ་བའི་རྐང་བྲོ་བསྒྱུར།།
ཀྱུར་ཀྱུར་བྱེའུ་གསུང་སྐད་སྙན་མོས་དབྱངས་ཀྱི་འཛམ་མདངས་མཁའ་ལ་དྲངས།།
མི་ཚོགས་ནུར་བའི་གོམ་འགྲོས་ཟད་པོས་ས་ཆེན་བྲང་ལ་ཞབས་རྗེས་བརྐོས།།
མི་ཚོགས་ནུར་བའི་གོམ་འགྲོས་ཟད་པོས་ས་ཆེན་བྲང་ལ་ཞབས་རྗེས་བརྐོས།།
ཚ་ཡུལ་ཞིང་གི་དབྱར་དཔལ་འདིས་ཀྱང་དེ་རིང་བདག་ལ་སྐྱོ་བ་སྟེར།།
ཐོག་མེད་སེམས་པ་རྡུལ་གྱིས་བསྒྲིབས་དུས་དགའ་སྐྱོའི་ཚོར་བ་གང་དུ་ཡལ།།
ཡིད་ཀྱི་དྲན་གདུང་རླུང་གིས་བསྒུལ་ཚེ་འཇགས་པའི་གོ་སྐབས་སུ་ཡིས་འཕྲོག།
ཡུན་ཐུང་དགའ་སྡུག་རེས་སུ་འཁོར་བའི་མི་ཚེ་འདི་ཡི་མདུན་ལྗོངས་ན།།
ཉི་ཟླའི་འཆར་ནུབ་ཡང་ཡང་བརྩི་པ་རང་སེམས་དམར་པོའི་ཁ་དོག་ཉིད།།
Saturday, 7 April 2012
ཉེ་སྔོན་རྒྱ་ཡིག་གི༼ཀློག་པ་པོ༽ཞིག(༠༩ལོའི་དེབ་བཅུ་པ)ལས་ཁ་བྱང་ལ༼ཕ་གིའི་འཇིག་རྟེན་དབེན་ཐང་ཐང༽ཞེས་པའི་རྩོམ་ཐུང་ཞིག་མཐོང་བྱུང་།
བརྗོད་བྱ་ནི་རྩོམ་པ་པོ་ཨ་མེ་རི་ཁ་དང་ཁེ་ན་ཏ་ལ་ཡུན་ཐུང་འགྲུལ་སྐྱོད་བྱས་པའི་མྱོང་ཚོར་བྲིས་པ་ཞིག་རེད།
རྩོམ་ལས“རང་དབང་གི་འཇིག་རྟེན”ཞེས་ཀུན་གྱིས་སྨོན་པའི་རྒྱལ་ཁབ་དེ་གཉིས་ན་སྨྲ་བརྗོད་རང་དབང་གི་ཐོབ་ཐང་དང་འདུ་ཤེས་ཚད་མཐོན་པོ་ཡོད་ནའང་།
དེ་གའི་མི་རྣམས་ནི་སྲང་ལམ་དང་ཟ་ཁང་།
སྤྱི་སྤྱོད་རླངས་འཁོར་ནང་དང་སྒོ་རའི་ཕྱི་ནང་སོགས་གང་དུའང་ཁ་ཁུ་སིམ་པོར་གནས་སྡོད་བྱེད་པའི་ཚུལ་དང་།
དེ་ནི་ཁྲིམས་ལུགས་དང་ཉེས་ཆད་གཅོད་པ་སོགས་བཙན་དབང་གིས་བཀག་སྡོམ་བྱས་པའི་མཇུག་འབྲས་མིན་པར།
སྤྱི་ཚོགས་འཚོ་བའི་གཟུགས་མེད་ཀྱི་སྤྱི་སྲོལ་ཞིག་དང་། རང་བྱུང་གི་གོམས་གཤིས་ཤིག
སྒེར་མིའི་སྤུས་ཚད་ཀྱི་མངོན་སྟངས་ཤིག་ཡིན་ཚུལ། མི་ལ་ལྷིང་འཇགས་དང་། ལྷོད་བག
འཆམ་མཐུན་གྱི་ཚོར་སྣང་སྦྱིན་པར་བྱེད་ཚུལ།
མིའི་ལུས་ཁམས་དང་སེམས་ཁམས་བདེ་ཐང་ལ་ཤིན་ཏུ་སྨན་ཚུལ་སོགས་བརྗོད་འདུག
Monday, 23 January 2012
Saturday, 10 December 2011
རླུང་གི་གཤོག་འགྲོས་ལས་ས་ཆེན་གྱི་འཁུན་སྒྲ་ཐོས་ཤིང་
རི་བོའི་འགུལ་བསྐྱོད་ལས་གནམ་མཁའི་རྒྱ་ཁྱོན་མཐོང་དུས
བདག་གིས་ཁྱེད་ཁོ་ནའི་མཛེས་སྡུག་གི་མིང་བྱང་ཀློག་བཞིན
ཚེ་སྲོག་གི་གླུ་སྐད་ཅིག་རྒྱང་ནས་རྒྱང་དུ་བསྲིངས་འདོད
ཕ་ཡུལ་ཨཱ དུས་ཚིགས་དང་ལོ་ཟླའི་གཙང་ངོགས་ནས
ཁྱེད་ཀྱིས་བདག་གི་སྐྱོ་ངལ་གྱི་བཞིན་རས་ལ་བྱིལ་བྱིལ་བྱེད་དུས
དུས་འགྱུར་དང་ས་ཁམས་ཀྱི་དབྱངས་འགྲོས་ཁྲོད་ནས
ཁྱེད་ཀྱིས་བདག་གི་དྲན་གདུང་གི་རྣམ་ཤེས་ལ་འབོད་པ་གཏོང་དུས
Saturday, 3 December 2011
བྱ་གཞུང་དབྱངས་བྷ།
རི་བོའི་དཔུང་གདང་ཤིག་ཤིག་གི་ཕ་གཞིས
ཆུ་མོའི་ལག་གདང་ཤིག་ཤིག་གི་མ་གཞིས
རི་ཚོགས་ཀྱི་ཕྱི་ཤུན་འདོར་དུས ཕ་མེས་ཀྱི་གཏམ་རྒྱུད་དྲན་བྱུང
ཆུ་རྒྱུན་གྱི་གླུ་སྒྲ་འཇགས་དུས རྨོ་མོ་ཡི་ངག་རྒྱུན་དྲན་བྱུང
— སྔོན་འགྲོ
Tuesday, 25 October 2011
རླུང་བུ་ཞིག་གྲང་བསིལ་བསིལ་ལྡིང་དུས།
ལྗོན་ཤིང་གི་ཡལ་ག་དག་རླུང་གིས་བསྒུལ་བྱུང་།
འཇམ་ཐིང་ཐིང་གི་རི་ལུང་ཡོད་ཚད།
མཐིང་མདོག་གི་མཚེའུ་ཞིག་ཡིན་ནམ།
འོད་འཚེར་བའི་རླབས་ཕྲེང་གི་ཆུ་རིས་རེ་རེ་ནི
སུ་ཞིག་ལ་གཏན་དུ་ཕུལ་བའི་ཚེ་སྲོག་གི་འབོད་པ་བཞིན།
Sunday, 11 September 2011
འགྱུར་ཁུགས་ཤིག
1སྙན་ངག་འཚོའི་མ་ཡུམ་ལ་ཕུལ་བ།
ཞི་བདེ་མེ་ཏོག （ཙོང་ཁ）
བྱམས་པ་དང་སྙིང་རྗེས་ཡི་འོད་སྣང་འཚེར་ལ། ལང་ཚོ་ཡི་མེ་ཏོག་བཞད་པའི་ཤེས་རིག་གི་ཕ་ས་འདིའི་གྲོང་ན།
（དོ་ནུབ་ང་གཅིག་པུ་ཡིན）ཁུ་སིམ་མེར། སྙན་ཚིག་ལས་ཁྱེད་ཀྱི་སེམས་ཁམས་ལ་ཉན་བཞིན་ཡོད། ཉན་གྱིན་ཉན་གྱིན། མྱངས་ཀྱིན་མྱངས་ཀྱིན། （ལྷིང་འཇགས་ཀྱི་མཚན་མོ）འདིར།
འགྲོ་ས་དང་སྡོད་ཡུལ་མེད་པའི་འཁྱམས་པོ་ངས་འགྱུར་ཁུགས་ཤིག་ཐོས་བྱུང༌། （དྲན་གདུང）ལྟ་བུའི། སྙན་ངག་ལྟ་བུའི། （རྒྱང་རིང་གི་ཤམ་པ་ལར）ཕྱོགས་པའི་འགྱུར་ཁུགས་ཤིག་ཐོས་བྱུང༌།
རྩྭ་ཐང་གི་དཔའ་མོ་ལགས།
ཁྱེད་ཀྱིས་ཤོད་དང༌།
རྒྱང་ལ་གཤེར་བའི་གཞའ་ཆུང་དེ་ཁྱེད་ཡིན་ནམ།
ཁྱེད་ལྟར་ཡིད་དུ་འོང་ཞིང་སྦྲང་པོ་གང་གི་ཡིད་ཀྱི་མུན་པ་སེལ་ཨང༌།
Monday, 5 September 2011
 |
| Add caption |
ངོ་གདོང་གཞན་ཞིག
མེ་ལོང་ངོས་ཀྱི་ཁྱེད།
དེ་འདྲའི་འཛུམ་ཙམ་གནང་དོན་ཅི།
ཁྱེད་ཁོ་ནས་བྲིས་པའི་ཡིག་འབྲུ་ཆག་རོ་འགའ།
གློ་བུར་དུ་སུ་ཞིག་གི་ཉི་ནུབ་ཀྱི་བྲང་གཞུང་ལ་ལྷུང་དུས།
རྫུ་བག་ལྟ་བུའི་ཁྱེད་འདི་ལྟར་བྲེལ་ནས་གང་དུ་འགྲོ
Sunday, 21 August 2011
དོན་ངོ་མར་སུ་ཡིན་ནམ
བཀག་སྡོམ་དང་མུན་ནག་གི་གྲོང་ཚོ
བསྐྱར་ཟློས་དང་ཤ་འཁོན་གྱི་འཇིག་རྟེན
མི་ཡུལ་འདིའི་འཚོ་སྡོད་ཐེངས་ཤིག་གི་རྗེས་ནས
ཁ་སང་གི་ང་རང་སུ་ཡིན་ནམ
དགོད་འདོད་ཀྱང་གདོང་རས་མི་གསལ་བའི་གྲིབ་རིས་ཤིག
ཤི་བསམ་ཡང་ན་ཟུག་མི་ཚོར་བའི་རྣམ་ཤེས་ཤིག
མ་གཞི མི་ཡུལ་འདིར་རང་དབང་གི་ནམ་མཁའ་ཞིག་ཡོད་པ་བདེན་དུ་སྲིད་ན
ཅི་ཞིག་ལ བདག་གི་ས་ཆེན་གྱི་མཚར་སྡུག་ཁྲག་གིས་སྦགས་དགོས
ཅི་ཞིག་ལ བདག་གི་ནང་སེམས་ཀྱི་དུངས་པ་མཚོན་གྱིས་གཏུབ་སོང
Wednesday, 10 August 2011
དཀར་གཙང་གཙང་གི་གི་གངས་རི་ནི་ངའི་མེས་པོའི་ཁྱིམ་གཞི་ཡིན། ཐག་རིང་ནས་གངས་རི་མཐོང་ཐེངས་རེ་རེར། བདག་གིས་ནམ་རྒྱུན། དཀར་གཙང་གཙང་གི་མེས་པོའི་སྐྲ་ལོ་དང༌། ཕྱི་གསལ་ནང་གསལ་གྱི་སེམས་པ་དག ཁུ་སིམ་མེར་ཁ་བར་འཐིམ་བཞིན་པའི་ཆག་འཇིག་དྲན་བྱུང༌། འདི་ལྟར་དུ། བདག་གིས་མེས་པོ་དྲན་པའི་གོ་རིམ་ནི། རང་ལ་བྱུང་བཞིན་པའི་ཉེན་ཁའི་གོ་རིམ་རེ་རེ་ཡིན་ལ། མདོར་ན། བདག་གིས་མེས་པོ་དྲན་པའི་ཚད་གཞི་ནི། རང་གི་ཆག་འཇིག་ལ་སྐྲག་པའི་ཚད་གཞི་ཡིན།
Subscribe to:
Posts
(Atom)