མཛའ་བརྩེ་ཡོད་ན་འཚོ་བ་ཡོད།
འཇིག་རྟེན་མུ་མེད་བྱེ་མའི་ཐང་སྟོང་ནས།།ཚེ་སྲོག་རླུང་གིས་ཁུར་ཡང་སྐྱོ་ཉམས་ཅི།།མཛའ་སེམས་གསེར་གྱི་ཐག་པ་མ་ཆད་ན།།མི་ཡི་འཚོ་གནས་འདི་ལ་སུན་དོན་ཅི།།
འོད་དུ་འཚེར་བའི་སྐད་ཆ།
ཁྱེད་ཀྱིས་ཡང་དག་ཡིན་མིན་འཁྱེར་ཡོང་ནས་སྙན་ངག་ལ་ཐུགས་སུན་མ་བཟོ་ཅིག ཚེ་སྲོག་གི་སྟོབས་ཤུགས་ཆེས་ཆེ་བ་དེར་བསྟོད་བསྔགས་བྱ་རྒྱུ་ནི་ཆེས་རྩ་བའི་ཡང་དག་ཡིན། ཁྱེད་ཀྱིས་དཔྱོད་ཤེས་མིན་པ་དེ་འཁྱེར་ཡོང་ནས་སྙན་ངག་པ་ལ་ལེ་བདའ་མ་བྱེད་ཅིག རང་དབང་ལ་འབོད་སྐུལ་སྒྲོག་རྒྱུ་དེ་ནི་ཆེས་རླབས་ཆེན་གྱི་དཔྱོད་ཤེས་ཡིན
ཟིན་བྲིས་བཟོ་བཀོད་པ་བསོད་ནམས་འོད་ཟེར།
བཀླགས་གྲངས་མང་ཤོས།
-
ཞོགས་རླུང་བསིལ་མོས་ཅུང་ཙམ་སྒུལ་ཚེ་ལྗོན་ཤིང་དགའ་བའི་རྐང་བྲོ་བསྒྱུར།། ཀྱུར་ཀྱུར་བྱེའུ་གསུང་སྐད་སྙན་མོས་དབྱངས་ཀྱི་འཛམ་མདངས་མཁའ་ལ་དྲངས།། ... -
མགོ་ནག་བོད་པའི་སྐྱོ་གདུང་དམར་པོ་གནམ་སའི་བར་ནས་ཁྲག་གིས་ཚོས།། གསར་ཚེས་ལོ་ཡི་ཁུགས་སོ་རེ་ནས་ལུས་སྲོག་སྒྲོན་པའི་མྱ་ངན་ལུད།། སྐྱོ་སྡ...
-
རྡོ་ལ་འཕྲུ་དཀར་རྙེད་པ། དེ་རིང་ང་གངས་ར་ན་ཡོད། གྲོང་དང་གྲོང་ཚོ་བསྲེས་པའི་གངས་ར་ན་ཡོད། སྐྱེས་དངོས་ཀྱིས་གྲོང་བརྡལ་འདེགས་...
-
བྱ་གཞུང་དབྱངས་བྷ། ཉེ་སྔོན་རྒྱ་ཡིག་གི༼ཀློག་པ་པོ༽ཞིག(༠༩ལོའི་དེབ་བཅུ་པ)ལས་ཁ་བྱང་ལ༼ཕ་གིའི་འཇིག་རྟེན་དབེན་ཐང་ཐང༽ཞེས་པའི་རྩོམ་ཐུང་ཞིག་མཐོང་བ... -
མི་ཚེའི་དྲན་ཤིང་རིང་མོའི་ཐག་སྣེ་ལ་མདུད་ཅིང་།། ཀུན་ཤེས་གཟུང་འཛིན་ཡིད་ཀྱི་གཏིང་རིམ་ནས་བསླངས་བ།། ནམ་ཡང་བརྗེད་དུ་དཀའ་བ་ཆུང་འདྲིས་ཀྱི་མེ་ཏོག།...
-
༼ཐེ་ཀོར་གྱི་སྙན་ངག << འཇིག་རྟེན་ སྟེང་གི་ཆེས་རིང་བའི་བར་ཐག >> ཅེས ་པ། བོད་བསྒྱུར་བྱེད་མཁན་ འབའ་སྨད་རྒྱ་ལོ་ཚེ་རིང་ ། ~~... -
ཕ་ཡུལ། གཟུངས་ཕྱུག་སྐྱིད། རྒྱ་གར། རླུང་གི་གཤོག་འགྲོས་ལས་ས་ཆེན་གྱི་འཁུན་སྒྲ་ཐོས་ཤིང རི་བོའི་འགུལ་བསྐྱོད་ལས་གནམ་མཁའི་རྒྱ་ཁྱོན་མཐོང...
-
--> བྱ་གཞུང་དབྱངས་བྷ། རི་བོའི་དཔུང་གདང་ཤིག་ཤིག་གི་ཕ་གཞིས ཆུ་མོའི་ལག་གདང་ཤིག་ཤིག་གི་མ་གཞིས རི་ཚོགས་ཀྱི་ཕྱི་ཤུན་འདོར་དུས... -
དོན་ངོ་མར་སུ་ཡིན་ནམ བཀག་སྡོམ་དང་མུན་ནག་གི་གྲོང་ཚོ བསྐྱར་ཟློས་དང་ཤ་འཁོན་གྱི་འཇིག་རྟེན མི་ཡུལ་འདིའི་འཚོ་སྡོད་ཐེངས་ཤིག་གི་རྗེས...
-
རླུང་གི་གཤོག་འགྲོས་ལས་ས་ཆེན་གྱི་འཁུན་སྒྲ་ཐོས་ཤིང་ རི་བོའི་འགུལ་བསྐྱོད་ལས་གནམ་མཁའི་རྒྱ་ཁྱོན་མཐོང་དུས བདག་གིས་ཁྱེད་ཁོ་ནའི་མཛེས་སྡུ...
Wednesday, 2 May 2012
ཞོགས་རླུང་བསིལ་མོས་ཅུང་ཙམ་སྒུལ་ཚེ་ལྗོན་ཤིང་དགའ་བའི་རྐང་བྲོ་བསྒྱུར།།
ཀྱུར་ཀྱུར་བྱེའུ་གསུང་སྐད་སྙན་མོས་དབྱངས་ཀྱི་འཛམ་མདངས་མཁའ་ལ་དྲངས།།
མི་ཚོགས་ནུར་བའི་གོམ་འགྲོས་ཟད་པོས་ས་ཆེན་བྲང་ལ་ཞབས་རྗེས་བརྐོས།།
མི་ཚོགས་ནུར་བའི་གོམ་འགྲོས་ཟད་པོས་ས་ཆེན་བྲང་ལ་ཞབས་རྗེས་བརྐོས།།
ཚ་ཡུལ་ཞིང་གི་དབྱར་དཔལ་འདིས་ཀྱང་དེ་རིང་བདག་ལ་སྐྱོ་བ་སྟེར།།
ཐོག་མེད་སེམས་པ་རྡུལ་གྱིས་བསྒྲིབས་དུས་དགའ་སྐྱོའི་ཚོར་བ་གང་དུ་ཡལ།།
ཡིད་ཀྱི་དྲན་གདུང་རླུང་གིས་བསྒུལ་ཚེ་འཇགས་པའི་གོ་སྐབས་སུ་ཡིས་འཕྲོག།
ཡུན་ཐུང་དགའ་སྡུག་རེས་སུ་འཁོར་བའི་མི་ཚེ་འདི་ཡི་མདུན་ལྗོངས་ན།།
ཉི་ཟླའི་འཆར་ནུབ་ཡང་ཡང་བརྩི་པ་རང་སེམས་དམར་པོའི་ཁ་དོག་ཉིད།།
དྲན་པའི་གདུང་སེམས་མེ་རུ་འབར་་བས་ལུས་ཟུངས་གཉོམ་པོ་སྐམ་ལ་ཁད།།
ཡུལ་གྱར་ལོ་ཟླ་སྐྱིད་དང་མ་སྐྱིད་འདྲིས་པའི་མི་ལ་མ་འདྲི་རོགས།།
གནམ་སའི་བར་ལ་ཡང་ཡང་གཟིགས་དང་སེམས་ཀྱི་ཡིག་འབྲུ་དེ་ན་གསལ།།
ན་མཉམ་གྲོགས་ཀྱི་བརྩེ་འཛུམ་དྲོན་མོ་རྒྱང་རིང་ཡུལ་ནས་བསྐྱུར་བྱས་ཏེ།།
རེ་སྙེག་སྟོང་གི་ནམ་མཁའ་འཇལ་དུས་རང་་སེམས་ངལ་བའི་རྔུལ་ཆུ་མཐོང་།།
འདི་ནི་སུ་ལ་གནམ་གྱིས་གནང་བའི་རྟོག་པ་འཚོལ་བའི་འཆར་ཡན་ནམ།།
ཡང་ན་མི་ཡུལ་བདེ་སྡུག་ཞིང་གི་ངོ་གདོང་གསལ་བའི་སྣང་བརྙན་ལགས།།
༢༠༡༢
a༤ ༡༦ཉིན་བྲིས།
Subscribe to:
Post Comments
(Atom)
1 མཆན་བུ་འདེབ་ན་འདིར་ནོན: